İynə

Bizim kimi regionçudu
“Ağrıdağ” regional qruplaşmasının “şef”i Nurəddin Mustafayev Mahal İsmayıloğlu ilə siyasətdən söhbət edir: 
– A Mahal, o Yanukoviçin partiyasının adı nədi? 
– Regionlar Partiyası. 
– Yönümü nədi? 
– Rusiyapərəst. 
– Bəs mövqeyi, əqidəsi, yolu?
Biz heç kəllələşmirik
Rusiya LDP-nin lideri Vladimir Jirinovski italyan futbolçu Materassini kəllə ilə yıxan Zinəddin Zidanı pisləyir: 
– Əsl terrorçu xarakteridi! 
Köməkçisi: 
– Axı, onun anasına söyüblər. 
– Nə olsun? O söyüşü biz gündə yüz dəfə bir-birimizə deyirik, heç kəllələşmirik. 
Plan hazırlanır
KXCP – nin əsas strateqlərindən biri Yusif Sevdimalının son günlər media qarşısında görünməməsi ictimaiyyətin təəccübünə səbəb olub.
Partiyadan sızan məlumata görə, Y. Sevdimalı dənizkənarı kəndlərin birinə çəkilib müxalifətin yeni fəaliyyət strategiyasını hazırlayır. 
Çörək ağacı
Əlində krossvord tutmuş oğlu Hacıağa Nuriyevdən soruşur: 
– Ata, bir ağac növü de, görüm. 
– Yaz, Ocaqnejad. 
– O, adamdı, ağac deyil. 
– A bala, adam olanda nə olar, bizim çörək ağacımızdı də.
Yanukoviçi qınadı
Ukraynadakı hadisələrlə bağlı qəzet məqaləsini oxuyan AXCP sədrinin müavini Fuad Mustafayev üstün tərəfin-baş nazir olmaq üçün inad edən Viktor Yankoviçin qarasınca deyinir: 
– Boyuvu yerə soxum, gül kimi alver imkanı yaranıb, puldan-paradan al, adamlarını hökumətdə yerləşdir, sakit otur də. Nəyinə gərəkdi, inad edirsən? 
Daha getmərəm
Müsavat başqanı İsa Qəmbər dostu Pənah Hüseyni çağırıb deyir: 
– Bəy, bir proje hazırla, irəli çıxaq. Mənim liderliyimi qabardaq. 16 oktyabrı yadına salıb sızıldayan P.Hüseyn etiraz edir: 
– Yox qardaş, o hadisədən sonra sənnən prezident seçkilərinə yox e, heç qarpız əkməyə də getmərəm.